21/9/2010 下龍灣船河
今日船河中午才上船，早上去海邊行吓，由於大多數人河內join團中午至嚟到下龍灣, 所以Bai Chay早上水靜河飛，行咗一震成身大汗，仲勁過焗桑拿，就入去中原飲咖啡歎冷氣
12點鐘到碼頭等，噤日嗰翻譯同嗰導遊交帶聲就走人，嗰碼頭塞滿一班班由河內過嚟既遊客等上船，9成9既人都係join tour
票務處其實有出海船飛既價錢，不過我估好難溝通，平日又好少local人嚟，局住俾agent賺，最緊要係網上惡評如潮。
1點終於等齊人上船，中途上咗天堂島睇鐘乳石，同埋一個魚排停咗半個鐘，先至駛去吉婆島。沿途風景其實都幾靚，但冇好似講到天上有地下冇咁靚，加上以前去布吉睇過類似風景，冇嘜驚喜。而且嗰導遊好唔掂，我哋完全唔知下一站去邊。
到達吉婆島仲大鑊，有d人留係船上過夜，導遊叫我哋留宿吉婆島既幾個人係碼頭士多旁邊等車去酒店，等咗20分鐘到我哋追問，佢先講明日會合安排然後上船走人，留低我哋俾唔識英文既士多老板。連公共巴士嚟到，pick-up車都未到，我哋已經冇晒心情，只想快d玩完番去河內。
最後終於上咗車，30分鐘後係間旅館門口停低先至知係我哋留宿既地方，驚旅館唔認帳，想拉埋坐前面個疑似導遊一齊落車同旅館講，佢耍手擰頭，原來佢都係坐順風車，唔係我哋既導遊。好在旅館睇完我哋張收據就話冇問題，入到房心情跌到低點
由於係碼頭等咗好耐，到旅館已天黑，只能去海邊行吓，食完飯到旁邊麵包店食crème brûlée (HK$2.5)
半夜劈雷，第二朝起身落超大雨，仲担心冇船番河內，好在旅館話冇問題，回程有段插曲，一班英國人琴日出海玩獨木舟，中途一隻艇沉咗，旅行社收起本護照要佢賠5、60蚊美金，英國人覺得俾人屈，差d唔俾佢上車，上到船又同嗰女導遊嘈，船上其他客都有好多怨言，貨不對辦，例如報團時話既行程冇去等等，真實一d都唔驚奇，網上10個join下龍灣團有7、8個都媽媽聲。坐車番河內時，嗰英國人趁機偷番本護照，到河內市區女導遊報警，差佬又唔穌佢，最終4點幾順利係河內酒店附近落車，完成下龍灣之旅。
下龍灣感想：冇嘜驚喜，一般河內join團都俾人賣豬仔，旅行社賣俾下龍灣旅行社，到碼頭賣俾船家拚團，再賣俾酒店，安排很差，個個媽媽聲。俾我再揀，索性唔去下龍灣，如果去就揀d貴價團(us$100以上)，佢哋有自己船隊，一條龍服務，好少貨不對辦。否則在bai chay碼頭選擇3-4小時團出海睇吓鐘乳石便算! 河內join cheap cheap團就要賭你既運氣啦!
留言列表
