山寨背包客

咗去咗下龍灣以及陸龍灣，有兩日半留係河內玩，可以慢慢行。

人類學博物館Bảo tàng Dân tộc học ： 一早係還劍湖坐14號巴士去，落車後得當地人指點，行咗10分鐘到達。介紹越南各民族生活用品，習俗，最特別不同民族既房屋，可以入去參觀，睇咗個鐘先離開。


還劍湖Ho Hoan Kiem：喺河內四圍，一定要認住還劍湖，蕩失路問人番去還劍湖冇人唔識。除咗漫步還劍湖外，仲可以去還劍湖北面KFC對住既coffee shop，一面嘆住越南咖啡，一面欣賞湖景，仲可以睇越南人點過馬路。夜晚打燈幾浪漫，好多情侶拍拖。


KFC對面既3間coffee shop


喺Highlands影番轉頭


啱啱係中秋節，街上超熱鬧


聖若瑟教堂Nha Tho Lon：係還劍湖西面行10分鐘，越南最古老教堂，冇開門，剩係外面影相，附近很多小餐廳和café，例如Moca Café、西班牙Salsa Tapas、意大利 Mediterraneo。



36古街區：每條街只賣一樣東西，店舖開到夜晚9-10點，係ｄ小街，行好容易迷路。慢慢行可以消磨數小時。我哋就由下午5點行到7點天黑。


歌劇院Nha Hat Lon：喺Sofitel Metropole行5分鐘就到， Hilton旁邊，可惜冇show睇唔到入面華麗裝修，夜晚着燈應該仲靚。


法國文化中心L'Espace-Centre Culturel Français de Hanoi：歌劇院行2分鐘即到，不時有展覽，幾多河內住既法國人喺到hea


美術博物館Bao Tang My Thuat：文廟一路之隔，唔多巴士，最好坐的士去。三層高，分不同展覽廳，值得一看




胡志明博物館~獨柱廟~巴亭廣場~胡志明陵~胡志明故居：全部景點喺同一區，因為興趣不大，冇俾錢入去，影吓相到此一遊算數。啱啱河內1000週年，四圍有好多慶祝裝飾。








西湖Ho Tay：去完巴亭廣場行埋去北面既西湖，唔多遊客嚟，比還劍湖大好多。