山寨背包客

意外
今次河內之旅發生咗去咗成廿次旅行最嚴重既意外，老婆 PK，話說嗰日去完人類學博物館後，惗住坐巴士去Sofitel Metropole食buffet，點知出意外，因為太遲落車，我先落巴士，老婆跟尾，點知架巴士突然開車，老婆即時碌咗落地，四腳朝天，手肘擦損流晒血，拿拿聲坐埋一邊止咗血同用清水洗，定一定神後隨即截的士番酒店，酒店職員話冇 first aid 用品，唯有番房用有酒精既濕紙巾消毒傷口。擦損咗一拂肉，一日之後嗰傷口仲好嚴重咁，好彩冇感染發炎。

喺河內食咗幾餐，整體冇胡志明市咁好味。比較值得推介係Pho Gia Truyenn河粉及Hoa Sua School餐廳

咗去咗下龍灣以及陸龍灣，有兩日半留係河內玩，可以慢慢行。

去完下龍灣失望而回，另一主要side-trip地方係寧平陸龍灣，好少香港人自由行去，離河內只係2小時車程，大部份旅客喺河內join團1日來回，但網上睇見幾靚，所以住咗1晚，輕輕鬆鬆睇靚景。

21/9/2010 下龍灣船河
今日船河中午才上船，早上去海邊行吓，由於大多數人河內join團中午至嚟到下龍灣, 所以Bai Chay早上水靜河飛，行咗一震成身大汗，仲勁過焗桑拿，就入去中原飲咖啡歎冷氣

9月底去咗河內+下龍灣7日, 不過之前忙於搵去克羅地亞旅行既資料 (最終都係搞唔成), 依家至寫番個「油雞」。