山寨背包客

自從好多年前在電視看過Irish Dance後，便愛上Riverdance，買了兩隻DVD在家看，雖然看了不下二,三十次，但每次也看得非常精彩，一直希望可以現場觀看。其實Riverdance曾經在2000年來香港紅館表現，但當時我們還未認識Riverdance，終於等到11年後重臨香港，二話不說立即上網購票，而且AE卡有9折優惠，便豪一次買了尾場5月15日$750門票(折後$675)。

Day 6 : 2011年3月8日

Day 5 : 2011年3月7日

Day 5 : 2011年3月7日

Day 4 : 2011年3月6日

Day 3 : 2011年3月5日

Day 2 : 2011年3月4日

Day 2 : 2011年3月4日

唔夠一年再去泰國，今次主要目的是去美功鐵道市場(去年因為紅衫軍示威未能去)以及做身體檢查，見到'賣飛弗'的Air Asia做promote，機票$1,300(連稅)玩夠6日5夜。

因屋企人既公司去澳門旅行兼睇水舞間, 帶喫我哋(兩公婆同亞媽)免費去澳門住Grand Hyatt君悅仲睇埋嗰show。

因君悅喺氹仔, 所以試吓搭金光飛航, 星期五10點上船, 船上8-9成係大陸遊客, 座位比新渡輪舒服啲, 都好穩定, 一粒鐘準時抵達氹仔, 過關後上新濠天地shuttle, shuttle先停新濠天地, 第二個站係君悅門口, 差不多12點check-in上房。


房好大, 洗手間超大, 浴缸仲有落地玻璃機場景

minibar 有龍井及鐵觀音, 西茶有T2茶包, 老婆全部攞返屋企 

之後lobby會合家人到滿堂彩Beijing Kitchen食lunch 

先上預定既北京填鴨 $388, 片成三碟, 一碟剩皮, 一碟剩肉, 一碟皮連肉, 比香港食既滑啲多汁啲, 不過唔係好覺烤果木香味, 填鴨另包鴨湯或椒鹽鴨骨 

食完片皮鴨再叫咗牛肉餅, 煎鍋貼, 炸醬麵, 炒豆腐干, 埋單六人共$870, 好彩有$800 coupon, 只係比尾數走人, 滿堂彩只係隻片皮鴨較好, 其他啲菜非常一般, service香港三星酒店都不如 (我哋見到侍應就禁用雙手由吧枱揸住兩杯果汁到客人面前, 連個托盤都冇個), 如果唔係有coupon一定唔幫親。

食完lunch就分道揚鏢, 我哋兩公婆同亞媽先去攞天幕《龍騰》既飛, 酒店住客可以攞後幾場既飛, 我哋攞咗4:30嗰場, 睇完即刻去睇水舞間

然後坐Shuttle去MGM, 行吓天幕廣場, 啲聖誕裝飾好靚 

之後行去永利睇吉祥樹, 因為喺永利一頭一尾, 亞媽又慢慢行, 都要行15分鐘, 去到先發現要夜晚八點至有得表演, 早知唔過黎la, 影咗兩幅相就走人 

返到新濠天地, 坐吓就夠鐘睇天幕《龍騰》, 都幾好睇, 值得推介 

最衰睇到半路要走人, 因為驚亞媽行得慢, 所以早啲行去睇水舞間。入場已見屋企人坐好, 5點開場, 睇到6點半, 有啲失望, 除咗加入水既原素, 沒有大驚喜, 前半part仲有少少悶場, 高潮反而係十幾年前既飛車表演, 動作難度同編排都差過Cirque du Soleil啲show, 好在唔使錢咋。 

之後去Grand Hyatt既mezza9食晚飯(又係公司免費提供 ) 

嗰set有成7道菜 (Parma Ham, 壽司, 炸蝦小吃, 咖哩炒蟹, 炭燒雜扒, 蔬菜及甜品, 除咗個雜扒over-cook乾咗啲外, 其他既菜都出奇好味(可能lunch既滿堂彩後已經冇咩期望), 連嗰甜品都幾得, 最後我吔兩公婆捧住個肚, 亞媽仲食完一匙又一匙試晒5款甜品 。嗰鬼仔waiter好nice, 啲service亦有5星酒店水準。



食完飯去新濠天地賭場殺殺殺! 點知大細minimum要$200, 唯有玩大細機, 今天冇咩luck, 放低幾舊水至返房瞓覺。 


第二朝落mezza9食早餐, check-out後再殺殺殺! 因為我哋有$600泥碼(只可以玩$300或以上既百家樂), 一輪觀察後開始玩, 老婆手氣好好, 連贏幾舖, 我接力又有啲砍獲, 冇幾耐就贏咗$2000, 最衰唔識忍手, 最後倒輸離開, 唯有安慰自己喺嚟澳門玩既旅費。 

再喺新濠天地行吓, 然後坐去新麗華酒店既shuttle, 睇住地圖去搵富仕葡式(Rico’s)

到達餐廳已經2點半, 餐廳3點落場, 拿拿聲叫咗葡式炒蜆 (細細仔但全部有肉, 好新鮮), 燒沙甸魚 (真正用火燒, 唔係焗), 忌廉薯茸焗馬介休(好滑, 冇炸馬介休球咁熱氣), 樣樣都好好味, 食到3點半老闆娘都冇吹我哋, 埋單連一杯奶茶都係$163, 呢度又抵食又好味，仲邊使去什麼海灣/法蘭度/阿曼諾人氣餐廳 (隨時double價錢落樓), 有机会下次試埋燒雞釀飯同葡国雞。 


食飽行10分鐘去荷蘭園,由塔石廣場(有歷史檔案館及圖書館)經過清安醫所, 到達瘋堂斜巷 (創意園, 望德堂教堂, 社會保障基金總部, 音樂學校), 呢區好有歐州小鎮色彩, 沿途見到唔少人嚟影相。