Day 6 : 2011年3月8日
在曼谷最後一日，check-out後去 Robinson百貨公司，先到地庫超級市場，10點百貨公司開始營業，買了幾件衫。11點半坐地鐵去Silom的 Le Bouchon 食法國餐，出地鐵後步行6-7分鐘，餐廳位於內街Patpong Soi 2，附近有很多酒吧，但中午時間酒吧未營業，街道比較冷清
Le Bouchon 雖然是pub+餐廳，但法國菜好正宗，網上看見在泰國居住的外國人亦推介，只是沒有旅遊書介紹，所以全間餐廳只有我倆遊客
雖然pub 是causal dining，但都有送小吃，而且是salami不錯
餐廳無menu，所有菜色都寫在白板上
頭盤原本想飲龍蝦湯，不過嗰日無供應，所以分別食咗Heart Artichokes with parmarson cheese 及 goat cheese spring roll，份量好大，而且兩樣都好好味，芝士味唔會蓋過其他食物味道，啲食物好新鮮
主菜係Braise veal cheek in red wine 及 Duck leg confit，上菜時俾碟 veal cheek 嚇親，份量超大，而且熱肋肋仲有煙出，牛仔肉好冧，啲汁好濃味，不過一個人食太大份
至於Duck leg confit，電視飲食節目就睇得多，知道工序好繁複，只有正宗法國餐廳至有得食，上菜時好香，個外皮好脆，但入面啲肉好滑，啲配菜都好新鮮
食完個主菜已經好飽，不過都要食甜品，傳統法國甜點紅酒燴梨，睇相都見到有煙就知新鮮煮，果肉香甜又帶酒香，檸檬撻唔係太甜，甜品都一樣咁大件
成餐飯每人3道菜加兩支蘇打氣水無加一食咗THB2,160($550)，非常抵，雖然食物上碟無精致擺碟裝飾，但勝在食物正宗，味道取勝，比5星酒店毫不遜色。其實午餐時間係有set menu THB600，下次有機會試吓。
食完好滿足的法國餐，番酒店攞行李去機場，4點半機，2:15由酒店坐BTS轉Cityline連等車要差不多一個鐘，check-in及過關之後去搞退稅，點知條龍有成20個人，排咗半個鐘到4:15至搞掂，拿拿聲跑去入閘，其他乘客已經上晒機，AirAsia留低架客van車我哋兩個出去上機，真係好險，下次一定要預多啲時間退稅。
今次的戰利品
感想
今次6日5夜驗身之旅，除咗做身體檢查，又去埋Amphawa同鐵路市場，仲食咗好多好嘢，買咗好多嘢，泰國真係好好玩。
~ 完 ~
留言列表
