山寨背包客

上年六月見Air Asia有promotion去曼谷，來回$500/人，見有十年無去布吉，再check下曼谷去布吉機票價錢(當時未有直航去布吉)，發現來回只係$150/人，快快手book咗機票，曼谷布吉分別住兩晚，點知出發前紅衫軍有行動，開頭都有d擔心，好在有沖哥不斷update曼谷情況，可以如期出發。
 
Day 1 : 2010年3月18日
HKG 10:45 - BKK 12:40 / BKK 14:40 – Phuket 16:10 ~ Cape Sienna check-in ~ Sala Thai晚餐
原本schedule 得兩個鐘曼谷轉機，要出閘又要再check-in去布吉，所以出發前先做web check-in，又唔寄行李，希望可以怏d轉機，點知香港delay 咗15分鐘，好彩機長踏行油，到曼谷仲早咗5分鐘，讚讚讚!!

轉機過程好順利，12:35落機，12:50到Immigration，只有幾個人排隊，５分鐘就出關，1:00上到4/F Departure Hall check-in去布吉，點知Air Asia既職員只係在我既boarding pass度寫上Boarding gate號碼，原來職員話Domestic機唔使check passport或蓋印，直接去boarding就可以，大把時間在機場hea。原本14:40起飛，又delay咗25分鐘，點知今次仲誇張，１個鐘就到布吉，比原本schedule快咗5分鐘，贊贊贊!!!
一落機未出海關拎地圖及免費True Move SIM card，個True Move職員見我們兩個人主動俾咗兩張我，她仲可以講流利國語。出機場右行到Meter Taxi
站頭個女人話去Kamala要450b，唔係睇Meter，不過同我的功課差唔多 :

半個鐘到Cape Sienna，一出Lobby電梯立即對住個海 :

超開揚海景





check-in時可選擇日用品香味 :

房間相片 (事先聲明:因本人攝影技術及相機關係, 未能反影真實美景)

(左上)大象毛巾; (右上)Samsung LCD TV + HiFi DVD; (左下)浴室跟廁所分開兩個門口

露台日落景

 

出發前跟朋友說要去印度旅行，所有朋友的第一反應是覺得奇怪，"印度有甚麼好去?"，"去泰姬陵?"
實際經驗：印度有很多地方值得去，印度並非只有泰姬陵一個景點

Day 14 : 2009年11月27日
來到印度之旅最後一日，由Udaipur坐夜車清晨6點半到達德里 Nizamuddin火車站，這裡比新德里車站乾淨及有秩序，寄存行李後到旁邊的快餐店 Comesum Food Plaza 吃早餐，入快餐店都要通過安檢還是第一次。

之後坐Prepaid Auto (Rs30)到 印度門India Gate，8點到達，只有幾個遊客，守衛的士兵比遊客仲要多，停留了30分鐘後影完相便離開。



步行去地鐵站Central Secretariat，原來路程好遠，沿寬闊直路步行20幾分鐘才到達，好彩晨早未出太陽，否則如果是中午太陽猛烈時隨時中暑。

坐地鐵到Akshardham站，發生一段小插曲，在Akshardham站看到多幅Akshardham廟的壁畫，知道廟內是不准拍照，於是影幾張壁畫，點知立即被職員大聲喝止，雖然事前已知道地鐵站內是不准拍照，但我哋已經出咗閘及只係影牆壁，又無影地鐵內設施，估唔到如此嚴格，最後要在職員面前刪除有關相片才可以離開。
Akshardham阿克薩達姆神廟 免費入內參觀，但安檢比機場或泰姬陵還要嚴格，隨身只能帶證件及現金，手機、相機、電子零件、背包一律要寄存，甚至手機/相機內的電池都要折下分開放，聽講因為之前曾經有人用手機入廟引爆炸彈，所以安檢很嚴。

Akshardham是世界最大的印度廟，佔地100公頃。由11,000個義工耗五年時間建造，2005年落成，耗資20億盧比。整個建築由紅砂石和白色大理石構成，不用任何鋼鐵。參觀時大殿正進行維修，只能參觀四週的石壁雕像，包括148只大象浮雕，栩栩如生，細緻得不可思議。



(因廟內不准拍照，相片來自Akshardham網頁)
廟內有一個指定地方提供即影即有影相服務 (Rs100)，以大殿做背景。除參觀大殿及雕像外，還有其他收費項目，例如3D IMAX影片介紹創始人生平，遊船河睇故事，晚間音樂噴泉等，我哋亦到商店買了印度香薰。Akshardham雖然比較城堡宮殿少了一份歷史感，但廟本身非常值得参觀，行一圈已可令自己心情平靜下来，跟廟外或印度其他地方的混亂完全兩個世界。
之後坐地鐵到 康諾特廣場Connaught Square，即德里最繁盛、最現代化的地方。

不久便到附近 Nizam's Kathi Kabab 吃午餐，全店都是當地人幫櫬，我們點了羊、雞kabab roll各一加可樂Rs340，好好味。

然後再去 Wenger's餅店 食甜品，這間餅店既蛋糕係德里很著名，看見店裡很多高檔食客及冰箱放滿客人預定的蛋糕已略知一二。

步行到背包客集中地 Paharanji Main Bazar，環境比較差，人多擠逼，烏煙瘴氣，但由於有很多平價旅館，所以很多背包客出沒，亦有不少售賣紀念品商店。

逛了一陣便坐巴士到 蓮花寺 Lotus Temple，原來蓮花寺離市中心很遠，巴士上問了不少乘客落車位置，最後有位年青人說可以跟他一齊落車，之後跟他的指示再行30分鐘才到蓮花寺。蓮花寺由三層白色大理石花瓣組成，底座邊有9個水池，拱托巨大“蓮花”，造型像澳洲雪梨歌劇院，難怪不少朋友睇過相片都以為我啲去完雪梨回來。



黃昏5時離開蓮花寺，準備坐Auto回火車站，按距離應該大約Rs50，問了很多門外等候的司機，一是開天殺價Rs200-300，一是以低價招客然後想帶到指定商店購物，當我哋講明唔去購物便立即拒載，有啲司機仲發悔氣叫我哋步行去火車站，估唔到在印度最後一日遇到態度這麼惡劣的司機。最後有架路經的Auto願意Rs70載我哋。蓮花寺其實不是很特別，但遊客極多 (大部分是旅行團，可能是免費入場關係)，離市中心又遠，交通不便，所以這裡的司機態度亦特別囂張惡劣，個人並不推廌這景點。
因為我哋飛機是零晨起飛，到火車站領回行李後便到Comesum Food Plaza坐低食啲嘢，又去火車站買了兩包Masala薯片。

晚上火車站沒有Prepaid的士去機場，很多司機上前招客，問了幾位的士司機收Rs400-500，比早上詢問的預付的士Rs250貴很多，我哋正準備坐Auto時，有一位司機一直跟我哋議價，我哋表明身上剩下的盧比不多，嫌的士太貴，他解釋有一批專門接Prepaid客人的士，其他一般的士是不可接prepaid的客人，司機到機場後又很難找到乘客回程，因此他們收費比prepaid的士貴啲。經過一輪議價，最終Rs300成交，原來他只是負責招客，成交後便叫司機以面包車接我哋到機場。客運大樓門口保安檢查機票後便可以進入大樓check-in，過關尚算順利，沒有預期的混亂，順利登上飛機完成印度14天行程，最後我哋身上只剩Rs60 (不包括帶去作後備的美金)番香港。

Day 12 : 2009年11月25日
早上出陽台看日出


9點多出發到網上大獲好評的 Cafe Edelweiss 食早餐，這間最出名係German pastries，價錢絕不便宜，點了肉桂卷，一份肉腸及咖啡，一共Rs220，不單價錢貴，份量也很小，肉腸跟中指差不多大，而且肉桂卷也是涼既，可算係印度旅行中最大的地雷。

早餐後到 傑格迪什廟Jagdish Mandir Temple，在印度已經睇過太多廟，所以無入去上参觀。
坐Auto (Rs20) 到 Bapu Bazar，由於時間尚早，大部份商店都未開門營業，反而街上不少當地人光顧的食店賣早餐，好似好好味。

最後去了 Himalaya 專門店買了一大堆產品，其實Bapu Bazar大部分地方賣既產品質素一般，本地人光顧多。

午餐在附近的 Berry 食，位於百貨公司 Rajasthali 旁，可能客人以本地人為主，菜色跟之前在旅館餐廳食到的有所不同，有啲似印度同西餐fusion，但都幾好味，花費Rs490，如果經過附近可到此一試。


本來打算到旁邊的戲院睇著名的印度Bolleywood電影，但戲院比較簡陋，又不見售票員或任何觀眾，比起Jaipur的Raj Mandir Cinema相差很遠，估計氣氛也不太好，唯有放棄，坐Auto先回旅館。
接近黃昏時間再到City Palace旁 Fateh Prakash Palace 遊船河，等上船期間在碼頭影下相。


船費Rs300/人，慢慢遊Pichola Lake一周。



經過 Lake Palace Hotel湖宮酒店 (現在只有酒店住客才可上島，其他人一概謝絕參觀)。


船程30分鐘後到達 Jagmandir Island Palace 上岸，純白大理石象雕像包圍整個小島，環湖遊後靠岸，島上有一小博物館及餐廳(但很貴)。




島上回望City Palace

黃昏回航





晚餐在Dream Heaven解决，thali雖然便宜但非常美味，兩人只要Rs150(包飲料)。

餐後聽到放煙火及喇叭聲，原來係印度人結婚遊行，我哋立即飛快地跑過對面岸，趕得上睇遊行隊伍經過，原來遊行隊伍有流動發電機及Disco，非常專業。


Day 13 : 2009年11月26日
試過昨天Cafe Edelweiss的German pastries，今天懷着戰戰競競的心情來到 Hotel Gangaur Palace 的Cafe Namaste，點了Chocolatine，蘋果批，鬆餅，Espresso及Cappuccino，先上咖啡，一看對板已知道沒有再中地雷，之後來的蘋果批及鬆餅都非常美味，最後Chocolatine原來是餐包上加朱古力醬，很特別味道不錯，總共Rs200，跟昨天的Cafe Edelweiss有天壤之別，絕對值得推介。

之後到附近走走

經過華麗的 Hotel Udai kothi ，據說天台還有餐廳泳池。


之後走到Bagore-ki-Haveli旁，很多婦女在河邊洗衫及冲涼。


又係街上遇到結婚遊行，唔通係吉日。


午餐回Cafe Namaste，味道也一樣好。

之後再沒有景點想到，晚上坐夜車回德里，於是回旅館休息及梳洗，然後在天台看書放空近3小時，到5點多才慢慢坐Auto到火車站，沒想到印度之行可以如此休閒，亦開始領略出Dream Heaven餐廳旁的一幅非常有趣的璧畫。



坐火車AC1(頭等艙)回德里，車箱分2人及4人艙，跟AC2的分別是沒有旁邊的兩張床，每個艙有獨立門，但價錢貴很多，AC1 Rs1821與AC2 Rs1087貴上差不多一倍，今次純粹希望試下不同車種所以豪一下。

Day 10 : 2009年11月23日
離開Ranakpur, 約4點到達Udaipur, 司機直接載到旅館 Dream Heaven Guest House 附近

我哋間房較高層, 視野很好, 房間大又光猛, 仲有露台, 所以房價比較貴, Rs900/晚, 看了其他較便宜的房都係鍾意這間。

房內沙發及廁所都可以睇到湖景

露台外望180度日落湖景

坐完一日車, 安頓後到天台餐廳休息一下, 一邊飲至愛既Masala Tea, 一邊欣賞日落。





之後到 Bagore-ki-Haveli巴果爾宅邸 睇民俗舞蹈表演, 7點開始, Rs50/人, 另加相機費(我哋無俾), 表演1小時, 有木偶表演, 傳統民俗舞, 值得一看。

睇完表演, 到 Lake Pichola Haveli 晚飯 (唔係Lake Pichola), 食物不錯, 又可以看到湖景, Rs580/2人。

 

Day 8 : 2009年11月21日
今天包車先到Ranakpur 千柱神廟再往Udaipur。早餐後司機已在車上等我哋, 8:30準時出發。

11:30到達千柱神廟, 有一大一細廟, 大廟要12點才開放參觀, 所以我哋先去細廟參觀, 只有大約3個人的高度, 主要睇外圍大理石雕花。



之後便去旁邊的正式 千柱神廟 Adinath Temple , 入廟參觀免費, 只要付相機錢 Rs50。





全廟由大理石建構，與泰姬陵同一出處。廟內由1444支柱白色大理石雕刻而成，每條柱的雕花都不同，精細的雕刻睇到我哋目瞪口呆。


廟內有幾個大廳, 每個有不同圓頂設計，要用相機zoom大才睇得清楚雕刻。


雖然中午時間室外超過30度, 但廟內出奇地清涼, 好似有空調一樣, 相信是大理石冬暖夏涼的效果, 但要注意, 不要太入神一直抬頭看圓頂及雕刻, 好容易睇到頸痛。
在廟內影相差不多一小時, 到1點跟司機會合, 然後開車到附近一間酒店午餐, 一入門口似曾相識, 原來之前在其他網友的遊記睇過。坐低侍應話自助餐Rs300/位, 我哋面有難色嫌貴, 他竟然即時自動減價Rs200/位, 但飲品超貴, 兩個人加兩支可樂Rs580。食物選擇真的不多, 亦唔多好食, 主要是做我哋呢類遊客生意, 估計附近乾淨企理的遊客餐廳不多。


飯後繼續向Udaipur進發, 約4點到達Udaipur
Tips:
Jodhpur無火車直達Udaipur，巴士比較難搵，而且沿路情況聽講幾差，如果預算許可，建議2人包車，要求旅館幫忙搵車時講明要番Udaipur的單程車 (免付來回車費), 其實我哋亦有去搵其他旅館包車, 又唔使付按金, 多問幾家旅館都可以。

Day 8 : 2009年11月21日
由Jaisalmer坐火車往離開久德浦Jodhpur，因為Jaisalmer有軍事基地，火車上有很多軍人，坐我們對面就是幾個軍人，軍階睇落都唔低。10點抵達Jodhpur，一出車站便坐Auto直奔旅館。
Laxmi Niwas Guest House (email: laxmi_niwas@hotmail.com) 位於 Hotel Haveli 旁，Clock Tower行3-4分鐘，每間房的陳設都不同，我哋既雙人房超大，在二樓比較安靜，但沒有窗，空氣流通不好，熱水不足，Rs600。第二日睇到另一間房較開陽，有窗及陽台，但房間比較細。


Day 9 : 2009年11月22日
早上請旅館幫手安排明天包車到Udaipur，由於Jodhpur無火車直達Udaipur，巴士比較難搵，而且沿路情況聽講幾差，之前想經過Pushkar玩一日再去Udaipur，Pushkar又啱啱有工程湖水被抽乾唔值得去，所以只好包車去Udaipur，並可途經Ranakur參觀千柱神廟，我哋特登要找一架回Udaipur的單程車，就可以唔使俾回程車費。
之後到Laxmi Niwas旁的 Haveli Guest House吃早餐，天台餐廳有180度無敵城堡景。




先到位於Jodhpur地標 Clock Tower旁的 Sadar Bazar沙德市集，入口的Omelette三文冶店世界有名。


市集非常熱閙，很多五花八門的女性飾品、布料。



另外香料店 MV Spices亦有不少遊客光顧，我哋買了大吉嶺，阿薩姆茶葉及Masala醃料，老闆還送一小包Masala Tea香料。

因MV Spices太出名，市集內有超過五、六家冒名店，一定要小心。

天氣開始熱，走入市集East Gate的 Shri Mishrilal Hotel Lassi店，內部裝修像舊香港茶餐廳，顧客全是本地人，坐低不要多說侍應便送上兩杯著名的藏紅花Makhaniya Lassi (Rs19/杯)，雖然沒有藏紅花味道，但冰涼酸甜，解暑的確一流，值得一試。


午餐到 Haveli Inn Pal 頂樓餐廳，又是180度城堡景。


餐後回旅館查問包車情况，但職員話要較後時間當車由Udaipur到達Jodhpur才可確定明天有冇車去Udaipur (在印度一星期已開始習慣他們的辦事方式)。
我哋唯有去Jodhpur的第一景點 Meherangarh Fort 梅蘭加爾堡 ，由旅館行上山，途經舊城住宅區比較污糟邋遢，滿地污水，約20-25分鐘後到達入口 (入場費Rs300,可選擇中英文耳機)，即被城堡雄偉氣勢吸引，城堡聳立在125米岩石上，是Rajasthan保存最好的一個城堡。




大廳富麗堂皇，鍍金天花板，七彩玻璃鏡




外國遊客可憑門票到頂樓專用陽台休息室看到藍色舊城區，當天因空氣污濁視野不佳，相信天氣好時景色一定更靚。

離開前到城堡近出口的 Café Mehran 飲下午茶，店內全是外國遊客，價錢也不便宜，只點了一壺Masala Tea (Rs50)，味道不比街外餐廳好，只是氣氛較好坐低休息一下再上路。

行了3個小時約5點離開城堡，沿途可以清楚看到Jodhpur全市景。


返回旅館再問包車情况，終於有好消息，職員找到一架回Udaipur的士，收費Rs1800，價錢跟之前網上睇到的差不多，便立即確認。
傍晚再到Sardar市集逛逛

晚上鐘塔有亮燈，而且不斷會轉換顏色，非常靚。


晚餐在 Pal Haveli ，Rs620幾貴但非常好味，算係印度兩星期最好味的一餐，服務又好，氣氛一流，左望鐘塔，右望城堡。

晚飯後回旅館，職員帶我哋到門外睇明日坐既的士，好整潔，座位仲包上白毛巾，非常滿意。之後便番房沖涼，冇幾耐旅館職員更帶司機嚟同我哋打招呼，服務讚讚讚。

Day 7 : 2009年11月20日
在Sagar天台餐廳食完早餐，便出發做富豪去睇樓 (參觀古代豪宅Haveli)，Jaisalmer 不大，差不多所有景點都可以走路到達。
首先到 納特瑪宅邸Nathmal-ki-Haveli，外面細緻雕工，二三樓的陽台更是觀賞重點。


然後到 巴特旺宅邸Patwa-ki-Haveli ，是Jaisalmer三座豪宅中最大一座，建築物跨過巷道將公共街道，變成如同自家的內院，窗和樓台雕刻非常細膩。




午餐到Natraj餐廳，主要目的是近距離看 沙林辛格宅邸Salim Singh-ki-Haveli，Haveli頂樓獨特造型塔樓，刻意模仿一艘船漂浮在空中，從街上絕不能欣賞到其精髓，最好位置就是到Natraj餐廳天台。


Natraj午餐，Rs400，小貴但好好味，服務又好，加上有天台美景

飯後回旅館小休 (中午室外實在太熱)，坐在窗台上欣賞Jaisalmer美景，看到遠方一處空地，我哋估可能係Gadi Sagar Lake迪莎湖乾了，所以打消原本參觀的計劃，繼續在房間休息。
這時職員送回昨日交托清洗的衣服，還摺到很整整齊齊

下午4點出外到市集走走


經過銀器首飾店，看看戒指，腳鐲，老婆買了一串腳鐲(但用作手鐲戴)，開價Rs1000，Rs 600成交，不確定是否真銀製造，或者買貴了，漂亮又覺得唔貴，喜歡就好了。

晚上到著名的 Monica餐廳食晚餐(城堡外First Gate對面) 豪華板Thali，薑雞及Biryani飯總共Rs420，味道不錯。

Day 8 : 2009年11月21日
旅客到Jaisalmer一般會參加騎駱駝沙漠露營tour，但我哋以前去內蒙古時已試過沙漠騎駱駝，所以今次無參加，希望可以輕輕鬆鬆。Jaisalmer大部分景點昨天已參觀，今天較休閑。
晨早6:30天未光便上天台看日出，Jaisalmer的日出真是靚到不行，城牆上一望無際，全無遮擋。


Sagar房間窗外也可以看到日出靚景


看完日出回房小睡，然後到隔離的 Desert Haveli Guest House 食早餐，這裡的早餐比Sagar的好味又大份，職員有禮貌，豐富早餐2人只是Rs140，用餐時剛被Sagar的吹水王在天台望到，他表現非常失望。無辦法，這裡的食物真的比你的好吃多。


早餐後到 賈殷寺廟Jain Temples 看看，門外有很多人，差不多所有去Jaisalmer的遊客都會嚟參觀，亦有不少當地導遊 (幫外國客人看管鞋子)，外圍看一看無乜特別，便坐在門外跟導遊傾偈。

重臨 Natraj午餐，途中看見當地選舉遊行，從旗號可看出兩大陣型，一邊是以男士主力，另一邊是全女班。隊伍不斷唱歌叫口號，非常熱鬧。


午餐後經過一間小商店做Henna紋手，看了幾本henna圖案書，選了一款圖案，畫一隻手Rs100，女技師英文很好，好nice，傾起原來她是大學畢業，結婚後跟隨丈夫來到Jaisalmer開手信店，丈夫看舖，妻子做Henna及印度按摩。


做Henna時她還推薦到 Gadi Sagar Lake參觀，原來昨天我哋睇錯，湖水無乾，見時間尚早便坐Auto (Rs30) 到 Gadi Sagar Lake ，這裡遊客不多，水池周圍有神殿，非常清靜。一面欣賞湖景，一面等hanna顏料乾。



 

Day 6 : 2009年11月19日
Day 6 (19/11/09) 齋沙默爾：皇宮 ~ 城堡
早上起床發覺床頭佈滿細沙，原來火車窗邊沒有密封，半夜經過沙漠區細沙吹入車箱。火車誤點一小時 (12:30pm) 到達金色城市齋沙默爾Jaisalmer。
站外有很多旅館的人招生意，他們都會提供接送，發現很多六星級酒店名字，例如四季酒店、半島酒店等。有個年輕人一直想推銷旅館俾我哋，雖然我哋已經訂咗旅館，但他不斷試探我哋旅館名稱，一看便知他的目的是想假扮旅館派來的人，然後載到勾結的旅館，他一路跟住我哋跑到對面馬路雜貨店打電話及偷看我手上的旅館名稱，最終成功聯絡 Sagar Guest House，他才離開。火車站喺最多騙子及招攬生意的人，每次都要跟他們鬥智鬥力一番。
等了一陣便見到旅館老闆接我哋番城堡內的 Sagar Guest House ，位於 Hotel Paradise旁，看了全旅館差不多最好的房間，Rs700，房間乾淨明亮。



旅館位於城牆旁，窗外180度靚景



安頓後已下午2點，上屋頂餐廳食午餐，炒飯，炒麵，咖哩雞肉，合共Rs270，食物味道還可以。待應叔叔 (估計是餐廳老闆) 相當健談，有時還過份熱情，因此幫佢改咗個花名叫“吹水王”。

午餐後開始參觀，首先是 皇宮Raj Mahal (Rs250包耳機)，皇宮在城堡內的主要廣場旁，四處是細膩雕刻的樓台和窗戶。






最精采是站在頂樓望着四週欣賞城堡內建築，和眺望沙漠景色，完全感受到皇帝高高在上的感覺，每棟平房的金黃色砂岩發出耀眼光芒，不隗為金色城市。很難相信在一個偏遠小鎮會有一座美輪美奐的皇宮。




在城堡小巷逛一會


黄昏前返回旅館屋頂餐廳，一邊喝Lassi，一邊欣賞日落美景，亦有同旅館老闆傾偈。


晚飯在275，望著皇宮夜景，食momo(餃子)，中式炒飯，薯條，masala茶，一共Rs200

Day 4 : 2009年11月17日
今天早上落雨，Saniya Palace食完早餐，跟昨日Auto司機約好的時間遲了10分鐘，急忙跑到昨日落車地方，見唔到司機，心想司機走了，時間差不多，於是心急坐上另一部Auto離開，一轉彎即見到昨日的司機喺旅館門口等我哋，但已經太遲，司機面上流露出失望的眼神，內心感覺非常抱歉，希望他能快啲找到另一位乘客。司機 ，真不好意思！
8點到達巴士站，巴士因冬天無空調(車費也較平 Rs203)，但車身狀況還好，清潔，先把行李放在車尾箱 (Rs2)，全車只有10位乘客，當地人及遊客各佔一半。


沿途道路狀況不錯，下午2點進入齋浦爾市不久，出現網絡上提過的騙子，他上車聲稱已到站，叫乘客落車，網絡提及他會載到勾結的旅館。我哋當然無理，旁邊的外國遊客也笑一笑 ，相信那騙子已相當出名。總站落車，打電話到Sunder Palace要求接車，等車時不斷有人上前招生意，等了近30分鐘Auto才到，原來他們去錯火車站，記得要跟旅館講清楚等候地方。來接車是一對年輕男子，他們其實只係跟旅館結盟，免費為旅館住客提供接送，主要希望客人租他們的Auto到處遊覽。
Sunder Palace 位於住宅區，好似九龍塘區，環境優靜，屋內非常乾淨，Rs800/晚(不包空調)，熱水充足，是在印度兩星期最乾淨的旅館。

放下行李，坐Auto去城市宮殿博物館City Palace Museum ，事前搜集資料指很多地方禁止拍照及參觀，之後都會到其他城市參觀宮殿，所以只在門口拍照走人，慳番入場費。


然後行到 天文台Jantar Mantar 、 風之宮殿Hawa Mahal 及市集。老婆買了圍巾Rs350，又輕又滑，打算在印度粗用，一方面用作傍晚預寒，又可包頭防曬，番香港後更愛不惜手。

晚上到 Hotel Vijeet Palace Trattoria 義大利餐廳晚餐，發生印度之旅最驚險事件，事源Auto司機唔知餐廳地點，問幾個路人終於睇到餐廳招牌，下車後有人拉客帶入大厦坐電梯，走廊黑黑暗暗，跟網上睇過到的唔同，開始有可疑，幸好老婆入電梯前最後一刻決定離開，在路口問途人才知喺 Hotel Arya Niwas 步行不到50米。原來第一間是冒牌店，如果不幸誤闖，相信必定被宰得一頸血。
來到正牌Trattoria，外貌跟網上睇的一樣，才放心入內上頂樓餐廳。

餐廳門口看到木燒薄餅火爐，服務幾好，味道很不錯，爐燒薄餅必食。2人食了薄餅 ，沙拉 ，義大利雲吞，兩支汽水 Rs570 ，非常推薦。

Day 5 : 2009年11月18日
今晚要坐夜車離開，早上check-out後放行李在reception，便去另一間受歡迎旅館 Hotel Pearl Palace 食早餐，Sunder Palace門口跟指示牌行內街不到3分鐘即到。餐廳高朋滿座，等了一會才可有位，並飲了在印度第一杯lassi(好味)，味道唔錯。

早餐後坐auto(Rs40)到風之宮轉巴士75號(Rs6)去Amber Fort，巴士唔多人，但只有我哋兩個外國人，乘客都投以好奇但友善的目光。巴士上有三個職員(司機+賣票+沿路招客)，他們都很友善，約半小時到達時仲叫我哋落車。

琥珀堡Amber Fort 給人氣勢磅礡的霸氣，但城堡前的護城河已乾塘，否則一定仲漂亮。




山腳停車場落車後，大部份參加旅行團的遊客都坐大象上山 (好似Rs700)

我哋梗係行上去，10分鐘到入口廣場買票(Rs300)

首先睇到係公眾大廳


對面係著名既勝利廳，畫滿鮮豔的花草與神，仲有精美雕花天花板及彩色玻璃。


跨過勝利門進入最有名的鏡宮，堪稱宮殿建築極品，有各色寶石磨成粉繪製壁畫。


琥珀堡相信比城市宮殿更值得參觀




逛了2小時後離開，出口左側登山道爬20分鐘到 齋格爾堡Jaigarh Fort (Rs150)。沿城牆走很舒服，高點把齋浦爾一覽無遺。堡頂有支大炮，持齋格爾堡門票可參觀，但拍照必須另購票，有很多守衛監視確保不能逃票。其實個人認為齋格爾堡可觀性一般，如果時間有限可以唔去。



返回Amber Fort門口坐巴士到市中心M.I. Road，車上好多乘客及職員熱心幫忙指點落車。到M.I. Road的 HANDI 午餐，由於過了午飯時間，只有兩台客人，食了烤雞，Biryani燉飯，kebab卷，一共Rs510，燉飯及kebab好好味，份量也很大。

之後逛M.I. Road，沿路經過 Rajasthan最大的戲院 Rajmandir，可惜時間緊迫冇時間睇Bollywood電影。

在M.I. Roadshopping，買了好多Himalaya產品，及兩件印度特色T-shirt，這個T-shirt品牌 Tantra在印度很多地方有分店，品質很好但唔便宜，近Rs300/件，係街邊檔3-4倍價錢。

經過著名的 Lassiwala lassi店，看見衛生環境不好(滿佈蒼蠅)，顧客又少，所以怕怕無試。



傍晚在國營百貨公司 Rajasthali 門外第一次坐人力車到Bapu Bazaar (10分鐘，公價Rs10/人)，如果時間許可，可以考慮人力車，無須跟Auto司機議價。

逛一陣後返回旅館，又坐巴士(Rs10/人)沿 M.I. Road 走，我哋手持地圖及小電筒沿途留心落車，巴士上不斷有印度人主動幫忙指點，搞到最後差不多全車乘客都知道我哋去Sunder Palace。
到Hotel Pearl Palace食晚飯後，返Sunder Palace收拾行李及沖涼，上網一陣差不多10點多坐Auto (Rs40)到火車站往齋沙默爾 Jaisalmer。
月台擠滿乘客，火車遲了一小時出發 (以印度標準算正常)

Tips:
可能齋浦爾遊客比較多，Auto較難議價，可以考慮坐人力車(短途)或巴士，巴士問周圍乘客提點到站落車，把目的地公諸於世就啱。