山寨背包客

Day 3 : 2011年10月24日 八戒早餐 ~ 望橋台 ~ 袁家界 ~ 烏龍寨酒家午餐 ~ 烏龍寨 ~  楊家界 ~ 八戒晚餐

整晚落大雨, 早上依然大霧, 但比昨天好一點, 在八戒食早餐(每人$10, 白粥任添, 可能天氣寒冷, 碗麵特別好味), 8:30便出發碰碰運氣。


在丁香榕路口剛好有環保車等客, 15分鐘便到達望橋台, 大部分乘客都是到烏龍寨或天下第一橋, 如果在望橋台落車, 之前一定要通知司機停車, 右邊看見水車便是望橋台入口。落車沿石路走, 落雨關係, 石路非常濕滑, 有好幾次差點跣倒, 步行5分鐘到達觀景台, 是我們張家界欣賞的第一個景色, 好興奮, 雖然有霧視野不清, 但偶然也可以遠望天下第一橋。




回大路坐車到袁家界, 但經過的車都客滿, 只好邊行邊截車, 行了15分鐘才上車, 9點半前到天下第一橋站, 已經人山人海。


我們沿指示走天下第一橋, 開門見山, 玉女出征, 神龜問天, 哈利路亞山, 迷魂台等景點, 沿途遊人真的很多, 影張靚相都有困難, 不能好好欣賞風景。


一個半小時走完袁家界, 坐環保車15分鐘到烏龍寨車站, 沿商店前行


途中有路牌指示左邊小路捷徑可到一步登天


5分鐘到達五郎拜佛


先在烏龍寨酒家吃午餐, 以優惠價$80任選兩個餸加湯, 味道比八戒的好很多, 而且風景一流, 可遠眺烏龍寨。


中午12點開始走烏龍寨, 過三道鬼門關後入寨, 沿路上山比較吃力, 但途中看見雲海美景





寨頂走3分鐘到天波府, 須先過吊橋再爬90度垂直鐵梯上天波府, 期間有對小情侶, 女方懼高, 鐵梯爬至一半太驚最後都要放棄, 其實鐵梯只有廿多級, 沒有想像中驚險。上到石頂360度盡覽群峰, 加上雲海, 景色壯觀, 非常震撼。






一小時走完烏龍寨, 在天波府遇見同住八戒的一位東北人, 於是3人便一起去楊家界。回到烏龍寨酒家, 沿途兩上兩落梯級及經過四個亭台, 一小時後終於抵達一步登天, 是我們在張家界最辛苦的一段, 跟天波府一樣需要爬垂直鐵梯上觀景台, 但這裡景色更開揚, 四面360度盡覽群峰, 而且遊人稀少, 可以慢慢影相。






離開一步登天, 走20分鐘到達空中走廊, 盡頭觀景平台視野很寬, 還看到移動中的雲海, 靚得不想離開。




之後沿路回到第二個亭台, 右邊有小路捷徑10分鐘直通大路車站, 平路易行, 只是之前下雨路面較多泥濘。後來發現我們之前走完烏龍寨後, 應該一直走回馬路轉行這條捷徑到一步登天, 只須一半時間, 而且無須走廿多分鐘上上落落的梯級那麼辛苦。4點到達烏龍寨車站, 這裡有很多人等車, 由於中途站經過的車多客滿, 所以有調度員安排環保車預留座位來烏龍寨接我們回八戒。

返房休息, 天氣開始寒冷, 感覺比昨日更凍, 估計只有5-6度。期間東北人敲門邀請我們一起A飯(AA制食飯), 另外還有一對東北人(肥妹+廋妹)及深圳女仔(因她拿單反相機, 簡稱"單反妹"), 一行6人點了半隻土雞鍋 (因為最貴, 廚師每次一是推介), 紅燒排骨, 兩牒菜, 一共$184, 埋單時廋妹還跟廚師講價, 方便計數只付$180, 廚師無耐接受, 我們見識到國內人的議價能力多強。食完飯後我們相約明天一起到大觀台。