Day 10 : 2009年11月23日
離開Ranakpur, 約4點到達Udaipur, 司機直接載到旅館 Dream Heaven Guest House 附近
我哋間房較高層, 視野很好, 房間大又光猛, 仲有露台, 所以房價比較貴, Rs900/晚, 看了其他較便宜的房都係鍾意這間。
房內沙發及廁所都可以睇到湖景
露台外望180度日落湖景
坐完一日車, 安頓後到天台餐廳休息一下, 一邊飲至愛既Masala Tea, 一邊欣賞日落。
之後到 Bagore-ki-Haveli巴果爾宅邸 睇民俗舞蹈表演, 7點開始, Rs50/人, 另加相機費(我哋無俾), 表演1小時, 有木偶表演, 傳統民俗舞, 值得一看。
睇完表演, 到 Lake Pichola Haveli 晚飯 (唔係Lake Pichola), 食物不錯, 又可以看到湖景, Rs580/2人。
Day 11 : 2009年11月24日
在Dream Heaven天台餐廳食完早餐，便出發去 城市宮殿 City Palace ，宮殿係Rajasthan最大規模的皇宮，慢慢參觀至少要半日時間。
中庭華麗馬賽克
孔雀中庭Mor Chowk的孔雀是Rajasthan最受歡迎的鳥類
鏡子殿SheeshMahal
色彩豐富的璧畫隨處可見
高點可以遠望Lake Palace
中午到 Mewar Havelii 午餐，天台露天實在太熱，影完相便回到室內坐，裝修很富印度色彩，一邊歎冷氣一邊欣賞湖景，埋單Rs370，食物水準還可以。
之後行去 Bara Bazar市集，老婆買了兩對印度繡花鞋, 開價Rs225/對，問身邊印度婦人local價Rs145/對，最後我哋兩對Rs400成交。
行番去旅館途中，一如以往沿途問路，其中有兩個細路 (估計係兄弟), 指完路後仲繼續跟住我哋，行到個分叉路口，我哋想逛多一陣，故意行一條較遠既路，兩兄弟急急指示我哋行另一條路，原來佢哋好好心怕我哋迷路所以跟住我哋。幫佢哋影張相已經好開心，笑住say goodbye後便離開。
慢慢行到城市宮殿, 兩側是Shiv Niwas及Fateh Prakash Palace改建為宮殿旅館。
我們既目的地係Shiv Niwas Palace的 Panera Bar
Paneera Bar號稱世上最美酒吧之一，嚟到主要目的係欣賞內部裝修，牆身有各式各樣國寶級彩色玻璃動物嵌鑲拼貼，親臨才能夠感受其精美，是世界第一流的無價作品。
雖然我哋負擔唔起住皇宮酒店，但都可以去Panera Bar飲杯嘢，我哋穿得爛身爛世，入面無其他客人，坐低點咗兩杯fruit smoothie (Rs600送小吃)。
侍應伯伯沒有見我哋爛身爛世而白眼，仲過嚟跟我哋傾偈，寒喧幾句後，便細心介紹Paneera Bar的歷史及陳設，跟著帶我哋上閣樓陽台 (以前在網友的blog看過)。面積雖然不大, 只放幾張雕刻細緻的木椅及一張茶几，但是落地玻璃窗把外面湖景盡收眼底，牆壁四周佈滿彩色玻璃拼貼，伯伯話陽台是王室家族成員的專用空間，但現在王室已很少嚟Paneera Bar。
欣賞完陽台後便返回座位，伯伯也很專業地，離開讓我哋慢慢享受下午茶及窗外美景，離開前與伯伯拍照，道別後不捨的離開。
酒吧外的露天餐廳及游泳池
回Dream Heaven休息一下，然後去到附近的 Amet Haveli Hotel 晚餐，菜色跟其他印度餐廳無大分別, 花費Rs600都幾貴，雖然面向City Palace，但距離太遠，反而Dream Heaven的湖景更勝一籌。
留言列表
