行程
26/9/07：
澳門飛曼谷 ~ City Lodge 19 check-in ~ Robinson ~ 晚餐Thingying ~ 魏銘香
27/9/07：
SuperRich換錢 ~ Big C ~ Central World ~ 午餐Lord Jim's 自助餐 ~ Siam Paragon ~ 晚餐Baan Klang Nam
28/9/07：
Emporium ~ 午餐Fuji ~ Central Department Store ~ 晚餐來興酒家
29/9/07：
安多哥 ~ 翟道翟 ~ 午餐La Gritta ~ 飛澳門轉船返香港
寫blog時才發現今次去泰國影了很少照片, 大部份都是食物。
26/9/07
下午4:00落機, 然後上4樓入境大堂坐回頭的士(不需排隊及付THB50費用), 半小時便抵達 City Lodge Soi 19 , 貪方便, 步行1分鐘到BTS Asok站或2分鐘到地鐵Sukhumvit站, 酒店由 Accor 集團管理 (現在更換為Oam) , 房間清潔, 每晚THB1,900 (HK$446)不連早餐。
Check-in後便到旁邊的 Robinson 百貨公司 行, 老婆買bra, 然後坐BTS去 Surasak 站步行10分鐘到 Thingying餐廳食晚飯, 這間餐廳是雜誌飲食男女介紹, 聲稱前泰皇御廚主理, 裝修很泰國feel, 但食物真的很一般, 埋單THB1100, 不值。以後都信不過雜誌推介, 反而上網參考其他人的blog更好。
食完步行去Silom Road上印度廟旁的魏銘香 買豬肉鬆及豬肉條
27/9/07
先去ChitLom的 SuperRich 唱錢, 逛了一會Big C 及Central World , 便去碼頭坐Shuttle Boat到文華東方的 Lord Jim's 食海鮮自助餐, 今次已是連續兩次來食, 由於是平日, 客人多是生意人或闊太, 服務當然無話可說, 食物也非常精美好味, 除西式海鮮, 還有日本魚生及手卷, 大部份海鮮雖然是泠盤, 但依然吃到鮮味, 用料一流, 特別鍾意蟹及富貴蝦, 全部已起肉免剝殼, 啖啖肉好過隱
熱盤還有煎鵝肝及燒龍蝦, 當然文華的甜品絕不能錯過, 慢慢嘆了兩個半小時才離開, 埋單THB2,400(HK$545) 很化算
之後去 Siam Paragon 逛, 不過無收獲, 到黄昏會合泰國舊同事 "盼盼"等揸車去 Baan Klang Nam 河邊餐廳 食晚飯。餐廳離中心頗遠, Chong Nonsi去要大約45分鐘車程, "盼盼" 都差點迷路, 要同行的同事指點迷津。餐廳好受當地人歡迎, 高朋滿坐, 主要食海鮮及炒小菜, 味道幾好, 不過太遠應該很少機會再來。
28/9/07
早上去 Emporium 逛, 裡面很好逛, 特別是家品部, 比Central Chit Lom更大, 而且還可以申請Hand-free shopping, 只要手持shopping卡到各櫃位購物, 簽個名後職員便會將貨送到客務中心, 購物完後到客務中心一起付錢及辦退稅, 又無需拿着戰利品逛, 輕鬆方便。
之後到Fuji食午餐, 然後轉去 Central Chit Lom , 第一件事去地下的文華餅店食雪糕 , 兩人只須THB130 (HK$30), 比Hagen Daz好吃得多。
黃昏時問準備去 Sam Yan 街市附近的 來興Phai Boon 食海鮮(現已結業), 落起大雨, 因怕塞車, 於是搭篤篤, 之前請酒店寫好泰文地址, 點知司機去了另一閻 x興的海鮮酒家, 可能當時落大雨, 我們好失策未望清楚便付錢落車。最後請酒家職員截另一架的士去, 但沿路大塞車, 最後我們跟的士司機確認來興的大概位置, 知道是在Madarin Hotel(不是文華東方)對面, 林光明潮洲酒家旁, 停雨便落車自己行, 一直沿Rama 4行10分鐘便到達來興, 由Central Chit Lom出發, 要一個半小時才來到。
第一次來到達來興, 都有少少嚇倒, 因為全部間酒家好暗, 有老飯店feel, 似有蓋大排檔許多通過海鮮酒家, 只有一檯泰國客人, 都驚是黑商店。但一會場來到, 又攰又餓, 方便入口去希望希望餐牌, 好彩明碼實價, 於是快快點了幾道菜。
咖哩炒蟹, 好大隻, 蟹肉鮮味, 蟹汁好香, 伴飯最好
燒蝦, 一碟例牌有5隻, 雖然不是太大隻, 但是都有不少蝦膏, 蝦肉好爽
還有炒飯及炒通菜都好好味, 兩人四碟餸 THB690(HK$160)超抵, 本土餐廳果然菜色正中又好味，平靚正
食完離開, 驚又塞車, 所以步行去地鐵 Sam Yan, 原來只須3分鐘, 早知坐地鐵來, 不須折騰個多小時, 可惜 Sam Yan 市場之後拆卸, 來興也結業。
29/9/07
最後一日, 早上去翟道翟旁的 安多哥 熟食攤位食早餐, 然後逛街市, 買了白蘆荀及生果帶返香港, 安多哥也有不少檔口賣魷魚絲等零食。
之後轉去 翟道翟週末市場 , 逛了二個多小時, 最後都只有在相熟的檔口J.J. T-Shirt (Section 14 Soi 1)有收獲, J.J. T-Shirt的T恤有不同類型, 包括有趣圖案/字句, 汽車, 戰爭等, 多款又多顏色尺碼, 買了十多件T恤慢慢着, 平均只是HK$100/3件。
最後回酒店地下的 La Gritta 食意大利自助餐, 兩人共THB1,000, 但食物選擇不算太多, 味道一般。食完請酒店職員幫手叫的士去機場, 原來是一口價THB360而非用咪錶, 早知在街上或到隔離Westin截的士, 應該THB250-280可以。
Air Asia 飛回澳門, 在機場等了二十分鐘都未有巴士去碼頭, 有剛放工的機場職員等車都媽媽聲, 最後我們唯有坐 $50的士去碼頭, 然後坐船番香港。
感想
短短五天, 搶先體驗澳門威尼斯人, 房真的很大, 但亦很多人。至於Air Asia, 感覺服務不錯, 唯一是當時沒有劃位(現在時已劃位), 上機要霸位, 從此愛上Air Asia。
~ 完 ~
留言列表
