25/11/2011 星期五
年尾公司要清假期, 碰啱星期五天氣不錯, 於是放假去長洲走一走, 避開週末多人, 船費又可平啲。
早上中環坐10:15的慢船, 隻船有6-7成滿, 估不到週五都有不少人入長洲玩。
11:05上岸, 先去長洲北面的北眺亭。碼頭轉左沿海旁大道往北走, 到達北帝廟
上北眺亭有兩條路, 一是較遠的大貴灣海濱小徑長貴路、長北路上, 另一條路較短, 從長洲安老院旁斜路上 , 我們選擇後者上, 大貴灣落。
行5-6分鐘斜路便到達長利公園
再走10分鐘到達一個平台, 亦是北眺亭入口, 沿石階走即看到北眺亭
上到北眺亭, 視野廣闊, 東望北角咀 , 亦可遠眺長洲東灣
左望東灣仔, 有小徑落東灣仔海灘, 但我們只去北角咀涼亭。
走落北角咀涼亭, 270度海景, 望着海景放空一小時, 如果天氣好, 藍天碧海風景應該更靚, 下次揀一日有太陽再嚟
12點半原路回平台, 右面大斜路經長北路落山到大貴灣, 沿海濱長貴路慢步。1點到碼頭, 然後去"根記粥麵店"食晏, 點了艇仔粥(大$19, 超多料)及牛肉腸($15, 大份又多餡, 份量差不多是酒樓兩倍), 雖然價錢不算便宜, 但份量很大又好味, 非常抵食
離開時街上遇見長洲迷你版救護車及救護電單車(好酷)
之後到長洲東南面的小長城, 2點多由碼頭橫街通往東灣, 經華威酒店、觀音灣, 在觀音廟旁分义路左行沿石階2:45到達芝麻坑觀景台
涼亭左邊石階可到近岸邊的觀景台, 原來沒有甚麼好看, 返回涼亭右邊另一條路去小長城。直行盡頭便是觀石的地方, 沿路指示清晰, 有地圖介紹不同岩石位置, 有花瓶石、叮噹石、大象石、臥貓石、人頭石、玉璽石...
最似應該是大象石、人頭石及烏龜石
看到玉璽石便知道已到盡頭
原路折返, 中途有义路去花坪路, 但我們選擇原路回到觀音廟。
之前計劃到西灣看日落, 但當日多雲無太陽, 估計都看不到日落, 於是提早離開出市區。但先去"甘永泰"外賣魚蛋(碼頭對出東灣路轉入新興街), 這間魚蛋在網上很多人讚好, 而且見很多街坊幫襯, 應該唔差, 於是買了魚蛋, 魚片每樣半斤, 總共$60, 當晚回家試食了魚蛋, 果然不錯, 有魚肉鮮味又彈牙, 食後不會很口渴
離開前都要食多一餐, 去"香雪海"食點心, 這間是24小時食點心。下午4點, 全店沒有客人, 全部伙計似落場的在傾計, 不過都有點心食。叫了蝦餃，雞扎，牛肉，再外賣臘腸卷及珍珠雞返屋企做晚餐, 5樣點心都只是$68, 雖然因為不是用餐繁忙時間, 點心不是最新鮮出籠, 但他們會定時拿走放太耐的點心, 所以每樣食物都好好味 (唯一美中不足是蝦餃的蝦肉不夠爽), 絕對比得上市區的著名大酒樓
食完坐5:15的慢船回中環, 就咁休休閒閒渡過一日假期
留言列表
